تعبیرخواب

چہارپایہ (چوپایہ)

حضرت ابن سیرین رحمتہ اللہ تعا لیٰ علیہ نے فرمایا ہے کہ اگر کوئی میں دیکھے کہ اس کے پاس چوپایہ ہے اور اس کا مطیع و فرمانبردار ہے تو دلیل ہے کہ اس کی قیمت کے مطابق جنگلی آدمی سے فائدہ اٹھائے گا ۔
اور اگرکوئی دیکھے کہ جنگلی چوپایو ں کا ریوڑ اس کے پاس آیا اور اس کا مطیع ہو گیا ہے تو دلیل ہے کہ جن لوگوں کا مسکن (مسکن :اسم ظرف مکان ، ر ہنے کی جگہ ، مقام) جنگل میں ہے اس کے تابع ہوں گے۔
حضرت ابراہیم کرمانی رحمتہ اللہ تعا لیٰ علیہ نے فرمایا ہے کہ اگر کوئی دیکھے کہ جنگلی چوپایوں کو پوجتا ہے تو دلیل ہے کہ دانا لوگوں سے جھگڑے گا ۔
حضرت جابر مغربی رحمتہ اللہ تعالیٰ علیہ نے فرمایا ہے کہ اگر کوئی دیکھے کہ وہ چوپایہ ہو گیا ہے تو دلیل ہے کہ اس کی عقل زائل ہو گی ۔ اور اگر دیکھے کہ چوپایہ اس سے باتیں کرتا ہے تو دلیل ہے کہ بزرگی پائے گا ۔ اور اگر دیکھے کہ چوپائے کا گوشت کھاتا ہے تو دلیل ہے کہ اسی قدر مال پائے گا