تعبیرخواب

رفو کردن(رفو کرنا)

حضرت ابن سیرین رحمتہ اللہ تعالیٰ نے فرمایا ہے کہ خواب میں کپڑے وغیرہ کو رفو کرنا جنگ اور جھگڑے پردلیل ہے ۔ اور اگر دیکھے کہ اپنے کپڑے یا نقاب کو رفو کرتا ہے ۔ دلیل ہے کہ اس کا اپنے خویشوں سے جھگڑا ہو گا یا دوست سے جس میں خیرنہ ہو گی ۔
حضرت ابراہیم کرمانی رحمتہ اللہ تعالیٰ علیہ نے فرمایا ہے ۔اگر دیکھے کہ اپنے کپڑے کو رفو نہیں کر سکتاہے ۔ دلیل ہے کہ اپنے عیال کے لئے غم و اندیشہ کرے گا ۔ اور خواب میں رفو گر صاحب جنگ اور خصومت ہے اور کوشش سے اپنے کام کو درست کرتا ہے اور جھگڑے سے بھاگتا ہے ۔