جنوری

۹؍جنوری

یہ لوگ ذہنی طور پر چوکنا، چوکس اور بیدار رہتے ہیں حیرت انگیز ذہانت کے مالک ہوتے ہیں اور حق و انصاف کے معاملے میں بے لاگ ہوتے ہیں۔ چونکہ خوش مزاج ہوتے ہیں۔ اور دل آویزی اور دلنوازی ان کی خصوصیت ہوتی ہے۔ اس لئے مجلسی سرگرمیوں میں ہمیشہ ہر دلعزیز ثابت ہوتے ہیں۔ خاصے آتش مزاج ہوتے ہیں اور غصّہ پر قابو پا لینا ان کی بہترین خوبی ہے۔ دَھن کے پکّے ہوتے ہیں اور اپنے کام میں زیادہ سے زیادہ مہارت اور سمجھ بوجھ کا ثبوت دیتے ہیں۔ ان تمام خوبیوں کی وجہ سے یہ لوگ اپنے مقصد میں کامیابی حاصل کرتے ہیں۔