غصہ

میزان افراد خود کو ایک شاندار شخصیت کے طور پر معاشرے میں رکھنا چاہتے ہیں جس کے لئے یہ محنت کرتے ہیں، ان کے پاس ذہانت بھی ہوتی ہے اور یہ اچھے منصوبہ ساز بھی ہوتے ہیں لیکن اکثر یہ اپنا مطلب نکالنے کے لئے دروغ گوئی کرتے ہیں جو ان کے لئے نقصان دہ ہوتی ہے اور ان کی پر وقار شخصیت کو متاثر کرتی ہے اس لئے ان کے لئے مناسب یہ ہے کہ جھوٹ بولنے سے گریز کریں اوراس بات پر یقین کریں کہ جھوٹ بولے بغیر بھی کامیابی حاصل کر لیں گے

دنیا کا شاید ہی کوئی ایسا افراد ہو گا جو کبھی بھی جلد بازی نہ کرتا ہو، اسی طرح میزان افراد بھی اکثر جلد بازی کا مظاہرہ کرتے ہیں لیکن یہ نقصان اٹھاتے ہیں اس لئے انہیں جلد بازی سے گریز کرنا چاہئے۔ ان کا مزاج تو بہت ٹھنڈا ہے اور یہ ہر کام سوچ سمجھ کر کرتے ہیں لیکن پھر بھی کبھی کبھی جلد بازی کا شکار ہو جاتے ہیں۔ انہیں یہ تہیہ کر لینا چاہئے کہ کبھی جلد بازی نہیں کریں گے۔

ہر انسان کی زندگی میں ناکامیاں آتی رہتی ہیں لیکن ایسے میں اکثر لوگ راہ فرار اختیار کرتے ہیں اور ان کے مختلف انداز ہوتے ہیں، اس طرح جب میزان افراد ناکامیوں سے دو چار ہوتے ہیں تو فرار کے کئی دیگر راستے اختیار کرنے کے علاوہ منشیات کا سہارا بھی لیتے ہیں۔ یوں یہ تھوڑی دیر کے لئے تو ذہنی سکون حاصل کر لیتے ہیں لیکن اس لعنت میں پھنس کر رہ جاتے ہیں۔ اگر ہیروئن وغیرہ جیسے خطرناک نشے میں پڑ جائیں تو یہ خطرناک بات ہوتی ہے

ویسے تو یہ لوگ اپنی ذمہ داریوں کو خوب سمجھتے ہیں، محنت بھی کرتے ہیں اور خود کو مستحکم رکھنے کے لئے دوست بھی جمع کرتے ہیں لیکن کبھی کبھار یہ تمام باتوں سے لا پروا ہو جاتے ہیں۔ اس کی کئی وجوہات ہو سکتی ہیں مثلاً یہ اگر کسی وجہ سے کئی دن کام نہ کریں تو انہیں آرام کی عادت پڑ جاتی ہے، اس طرح اگر یہ کسی مشغلے کی طرف راغب ہو جائیں تو تب ایسی ہی صورت حال ہو جاتی ہے اور عام حالات میں کسی کام میں دلچسپی نہ لینے کی وجہ سے بھی ایسا ہوتا ہے لہٰذا ان لوگوں کو اپنی اس خامی پر قابو پانا چاہیے

ان لوگوں میں اکثر چڑچڑا پن پیدا ہو جاتا ہے۔ یہ بات بات پر سخت رویہ اختیار کر لیتے ہیں، جو لوگ انہیں جانتے وہ ان کے اس رویے کی وجہ سے ان سے ناراض ہو جاتے ہین لیکن جو لوگ ان کے قریب رہتے ہیں وہ اچھی طرح جانتے ہیں کہ جب یہ کسی الجھن کا شکار ہوتے ہیں تو ان کارویہ ایسا ہو جاتا ہے۔ ان میزان افراد کو چاہئے کہ جب کسی الجھن کا شکار ہوں تو خود پر قابو پائیں اور ایسا رویہ اختیار نہ کریں جو ان کی شاندار شخصیت کو متاثر کرے۔