زبان دراز

یہ بچے حاکمیت پسند ہوتے ہیں۔ دوسرے بچوں پر حکم چلانا اپنا حق سمجھتے ہیں۔ یہ انہیں مارتے بھی ہیں اور ان سے رعب سے بات کرتے ہیں۔

یہ مختلف باتوں کو اپنے دل میں رکھ لیتے ہیں اور مناسب مواقع پر ان کا اظہار اور رد عمل پیش کرتے ہیں۔ اگر عقربی بچے کو تین چار بچے مار کر چلے جائیں تو یہ بچہ اس واقعہ کو یاد رکھتا ہے۔ یہ ان سے بدلہ لینے کے لئے بے چین رہتا ہے اور بدلے کے لئے مختلف طریقے سوچتا رہتا ہے اور جب بھی اسے موقع مل جائے یہ بدلہ لے لیتا ہے

ان بچوں میں ہم عصروں سے آگے نکل جانے کی خواہش بڑی شدت سے موجود ہوتی ہے۔ اگر کوئی بچہ تعلیم میں آگے ہو تو یہ اسے اس شعبے میں مات دینے کی کوشش کرتے ہیں اور اگر کوئی کھیل میں بہتر ہو تو یہ اسے نیچا دکھانے کی کوشش کرتے رہتے ہیں۔ اس طرح یہ اکثر بے وقوفانہ حرکتیں بھی کر جاتے ہیں کیونکہ یہ سمجھ نہیں پاتے کہ دوسرے بچے کس وجہ سے اس سے آگے ہیں۔

یہ بچپن سے ہی حاسد طبیعت کے مالک ہوتے ہیں اور ان کی یہ خصوصیت ساری زندگی ان کے ساتھ رہتی ہے۔

یہ جھگڑالو ہوتے ہیں۔ اکثر اسکول، محلے اور گھر والوں میں ان کے جھگڑے ہوتے رہتے ہیں۔ ان کا اگر کسی سے جھگڑا ہو جائے تو یہ اسے کاری سے کاری ضرب لگانے سے بھی گریز نہیں کرتے۔ اگر ان کی صلح کروائی جائے تو یہ مشکل سے صلح پر آمادہ ہوتے ہیں۔

اگر یہ کسی کو مصیبت میں دیکھ لیں تو فوراً اس کی مدد کے لئے تیار ہو جاتے ہیں۔ کہیں اگر تین چار بچے کسی ایک بچے کو مار رہے ہوں تو یہ اس مظلوم بچے کی مدد کے لئے میدان میں کود پڑتے ہیں اور مارنے والے بچوں کو بے دردی سے زد و کوب کرنا شروع کر دیتے ہیں۔ اس دوران یہ بالکل نہیں سوچتے کہ انہیں کتنی چوٹیں آ سکتی ہیں۔ ان کی مزید خصوصیات مندرجہ ذیل ہیں۔ * ہمدرد * کھیل کو د کے شوقین * جلد باز * نئے کھلونوں کے متمنی * آوارگی پسند * ایجادات کی طرف مائل * اچھے مقرر * ذہین * محنتی * طنز کرنے والے * کلاس میں نمایاں * شرارتیں کرنے والے * دوسروں کو تنگ کرنے والے * بدتمیز * حاضر جواب * گہری نظروں سے جائزہ لینے والے * نئے کپڑوں کے شوقین * بڑی شخصیات سے متاثر