محبت

حسن پرستی دنیا کی تقریبا تمام عورتوں میں ہوتی ہے ۔ ہر عورت خود کو زیادہ سے زیادہ حسین و جمیل دیکھنا چاہتی ہے ۔ اس طرح جدی خواتین بھی چاہتی ہیں کہ وہ سب سے زیادہ حسین نظر آئیں۔ قدرتی طور پر یہ خواتین بہت زیادہ حسن و جمال سے مالا مال نہیں ہوتیں لیکن ہم یہ بھی نہیں کہہ سکتے کہ یہ ناقابل قبول صورت کی ہوتی ہیں ۔ مجموعی طور پر یہ اچھے نین نقش کی مالک ہوتی ہیں ۔ ان میں بہت نسوانیت اور کشش ہوتی ہے۔ اکثر ان خواتین کا سامنا جب قدرتی حسین و جمیل خواتین سے ہوتا ہے کہ یہ ذرا احساس کمتری کا شکار ہو جاتی ہیں ۔ چونکہ یہ بھی فطری طورپر اس خواہش کا شکار ہوتی ہیں کہ وہ زیادہ سے زیادہ حسین نظر آئیں اس لئے وہ خود کو سجانے سنوارنے کی طرف راغب ہوتی ہیں ، ایسے میں وہ نہ صرف میک اپ کا سہارا لیتی ہیں بلکہ اپنی غذا کو بھی متناسب کرتی ہیں ، اس کے علاوہ ورزش اور یوگا ویرہ کی طرف بھی توجہ دیتی ہیں ، ان کی اس محنت کا نتیجہ نکلتا ہے کہ یہ خاصی حسین ہو جاتی ہیں

ان میں خاصی قوت فیصلہ ہوتی ہے۔ یہ عام طور پر اپنے فیصلے خود ہی کرتی ہیں ، یہ کسی سے مشورہ کرنا بہت کم پسند کرتی ہیں۔ یہ جو فیصلہ کرتی ہیں ، وہ بہت سوچ سمجھ کر ہوتا ہے اس لئے بہت کم ایسا ہوتا ہے کہ یہ اپنا فیصلہ تبدیل کر دیں ۔ اگر کوئی ان پر اپنی رائے مسلط کرنا چاہے تو یہ اس سے سخت رویہ اختیار کرتی ہیں اور کسی صورت اس کی رائے تسلیم نہیں کرتیں

ان خواتین کو امور خانہ داری سے خاص لگاؤہوتا ہے۔ یہ کوشش کرتی ہیں کہ ان امور میں ان سے کوتاہی نہ ہو جائے لیکن چونکہ آرٹ وغیرہ سے لگاؤ ان کی فطرت کا حصہ ہے اس لئے یہ اس طرح کا کوئی نہ کوئی شوق رکھتی ہیں ۔ اس کی وجہ سے اکثر ان سے امور خانہ داری میں کچھ غفلت ہو جاتی ہے ۔ ان کے شوہر اگر سمجھ دار ہوں تو وہ ان کی ایسی باتوں کو در گزر کر دیتے ہیں

بچوں کے معاملے میں یہ خواتین بہت زیادہ حساس ہوتی ہیں ۔ یہ بچوں کی نگہداشت بہت اچھے طریقے سے کرتی ہیں ۔ ان کی خواہش ہوتی ہے کہ ان کے بچے نمایاں اور ممتاز رہیں لیکن اس کے لئے یہ بچوں کو محنت کا درس دیتی ہیں ۔ یہ بچوں کی غذا کا بہت خیال کرتی ہیں ۔ ان کی نصابی اور غیر نصابی سر گرمیوں میں ان کی خوب حوصلہ افزائی کرتی ہیں ۔ یہ اپنے بچوں کو شرارتی اور بد تمیز بچوں سے دور رکھتی ہیں ۔ ان کے بچے ان کے ساتھ دوستوں کی طرح رہتے ہیں کیونکہ یہ بچوں کو دوستانہ ماحول فراہم کرتی ہیں