۱۶اگست

یہ افراد اعلیٰ خیالات کے مالک محنتی اور کسی حد تک لاپرواہ بھی خیال کئے جاتے ہیں۔ فضول خرچی ان کی عادت ہوتی ہے۔ دوستی کے تقاضے نبھانا جانتے ہیں۔ آزاد خیال اور باغی ذہن کے ہوتے ہیں۔ بہت بے باک اور بے تکلف ہوتے ہیں جس کے بارے میں محسوس کرتے ہیں کہ اسے مدد کی ضرورت ہے بے دریغ مدد فراہم کرتے ہیں۔ یہ لوگ اپنی خواہشات کا احترام کرتے ہیں۔ محتاط روی کے فن سے آشنا ہوتے ہیں اور اس کے مطابق رنگ بدلتے رہتے ہیں۔ اپنی تعریف سن کر خوشی محسوس کرتے ہیں۔
گیارہ سے بیس اگست تک پیدا ہونے والی خواتین خود پسند ہوتی ہیں اگر تنہائی میں دیکھا جائے تو یہ آئینے کے سامنے اپنے آپ کو دیکھنے میں مصروف ہوتی ہیں یا بناؤ سنگھار میں مصروف نظر آتی ہیں۔ بچوں سے محبت کرتی ہیں۔ کسی حد تک خوشامد پسند بھی ہوتی ہیں۔ ان افراد میں اداکاری کی بھرپور صلاحیتیں پائی جاتی ہیں۔ کسی بھی مشغلے کو اپنی زندگی کا محور بنا لیتی ہیں اور اس شہرت اور ترقی حاصل کرتے ہیں۔ ادب اور مصوری سے لگاؤ ہوتا ہے۔ شعبہ تدریس سے بھی یہ افراد وابستہ دیکھے گئے ہیں۔
انسانی ہمدردی کا جذبہ دوسرے افراد کی نسبت زیادہ ہوتا ہے۔ لہذا میری رائے کے مطابق انہیں ڈاکٹر یا نرسنگ کا پیشہ اپنانا چاہئیے تاکہ دکھی انسانیت کو صحیح خدمت گار میسر آسکیں