سیخ کے قفلی کباب

یہ کباب مغل بیگمات کی ایجاد ہیں ان کی ترکیب ایک قدیم فیملی کی ایک پرانہ سال خاتون سے معلوم کی گئی ہے۔
سامان
گوشت ایک سیر ۔گھی آدھ پاؤ۔ لونگ نوماشہ۔کالی مرچ دو تولہ۔پیاز آدھ پاؤ۔ادرک پانچ تولہ آٹھ ماشے۔خشک دھنیہ ایک تولہ آٹھ ماشہ لاہوری نمک تین تولہ۔لال مرچ دو تولہ۔دہی اور میدہ حسب ضرورت بادام کی چند گریاں۔
ترکیب
گوشت کے پارچے بنائیے یا قصاب سے بنوا لیجئے انہیں سل پر رکھ کر بٹے سے کوٹئے اور ان پر ادرک اور پیاز کے عرق ملئے پھر مسالہ پیس کر اس میں تھوڑا سا دہی اور گھی مل کر پارچوں کو بگھار دیجئے پھر انہیں سیخوں پر چڑ ھا کر آگ پر پختہ کیجئے اور سیخوں سے اتار کر رکھ لیجئے رتھوڑی پیاز بہت باریک کترئیے اور اسے تھوڑے گھی میں بھون لیجئے پھر اسے تھوڑے گھی اور لال مرچ کے ساتھ آمیز کیجئے اور مسالہ دے کر بگھارئیے اور گوشت کاے پارچوں میں رکھ کی انہیں لپیٹ دیجئے اب ان پارچوں کو ایک بار پھر سیخوں پر چڑھائیے اس دوران میں بادام پیس کر تھوڑے دہی اور میدے کے ساتھ آمیز کر لیجئے اس �آمیزے کو لونگ کا بگھار دیجئے جب کباب سیخوں پر پک رہے ہوں تو یہ آمیزہ ان پر لگاتے جائیے۔