سنبلہ مرد کی خصوصیات

بہترین حکمت عملی

اپنی محنت، لگن، ذہانت اور دیگر خصوصیات کی وجہ سے یہ لوگ آسودہ حال ہوتے ہیں چونکہ دور اندیش ہوتے ہیں اس لئے آنے والے خراب حالات کا پہلے سے اندازہ لگا کر پیش بندی کر لیتے ہیں، یوں وہ خراب حالات کو آنے ہی نہیں دیتے۔ ویسے بھی ان کی حکمت عملی ہر وقت اتنی اچھی رہتی ہے کہ ان کے لئے حالات موافق ہی رہتے ہیں۔ اسی وجہ سے بحث و مباحثے میں بھی یہ لوگ بڑے تیز ہوتے ہیں۔ اگرکسی مسئلے پر یہ لوگ بحث شروع کر دیں تو اس وقت تک دم نہیں لیتے جب تک یہ سامنے والے کو قائل نہ کر لیں۔ یہ لوگ کبھی غلط بحث نہیں کرتے اور اگر انہیں ذرا سا بھی احساس ہو جائے کہ وہ غلط بحث کر رہے ہیں تو وہ اپنی غلطی تسلیم کر لیتے ہیں اور دوسرے کی درست بات کو بڑے فراخدلانہ انداز میں مان لیتے ہیں۔