سنبلہ مرد کی خصوصیات

باہمت اور احتساب پسند

عام حالات میں یہ اپنے معمولات میں بڑی ہمت سے کام لیتے ہیں۔ یہی وجہ ہے کہ یہ بہت کم اپنے مقاصد میں ناکام ہوتے ہیں۔ ایسے معاملات جن میں دوسرے لوگ ہاتھ پیر چھوڑ دیتے ہیں، برج سنبلہ سے تعلق رکھنے والے افراد ڈٹے رہتے ہیں اور جب تک اپنا مقصد حاصل نہ کر لیں ہمت نہیں ہارتے ہیں، چونکہ محنت کرنا ان کی فطرت کا ایک حصہ ہوتا ہے کوئی بھی شعبہ ہو یہ لوگ محنت سے نہیں گھبراتے ہیں، ہاں کئی ایسی جگہوں پر یہ مشتعل ہو جاتے ہیں جہاں ان کی محنت کا ثمرنہ مل رہا ہو یا ان کی محنت کا اعتراف نہ کیا جا رہا ہو، اس برج سے تعلق رکھنے والے افراد سے اگر کسی کو کام لینا ہو تو ہر مرحلے پر ان کی حوصلہ افزائی اور تعریف کرتا رہے۔ اپنے معاملات میں تو ان لوگوں کوکسی کی تعریف یا اعتراف کی ضرورت نہیں ہوتی۔ اس لئے یہ لوگ اپنی تعریف اور اپنا احتساب خود ہی کرتے چلے جاتے ہیں۔