غربت سے نفرت

ان خواتین کا مزاج بہت پیچیدہ ہوتا ہے۔ اگر کوئی یہ دعویٰ کرے کہ اس نے دلو عورت کے مزاج کو پوری طرح سمجھ لیا ہے تو اس کا دعویٰ سراسر غلط ہو گا کیونکہ ان خواتین کا مزاج اتنا لجھا ہوا ہوتا ہے کہ شایدوہ خودبھی اپنے بارے میں کوئی حتمی رائے قائم نہیں کر سکتیں۔ انہیں اگر ابھی کوئی ایک چیز اچھی لگ رہی ہے اور وہ سمجھتی ہیں کہ اس کے بغیر زندہ نہیں رہ سکتیں تو ذرا دیر بعد ان کے سارے خیالات رفو چکر ہو سکتے ہیں اور وہی چیز انہیں بری لگنے لگے گی۔ اس طرح اگر ابھی یہ آپ سے ہنس ہنس کر باتیں کر رہی ہیں تو یہ نہ سمجھیں کہ ان کا مزاج ہمیشہ ایسا ہی رہے گا بلکہ ہو سکتا ہے ذرا دیر بعد یہ آپ کی جانب دیکھنا بھی گوارا نہ کریں۔

ان خواتین کو سیرو سیاحت کا بڑا شوق ہوتا ہے۔ کھلی فضا میں پہنچ کر یہ بہت خوش ہوتی ہیں۔ اس کے علاوہ ایک ہی جگہ ٹک کر بیٹھنا ان کے بس کی بات نہیں ہوتی، اس کی وجہ یہی ہے کہ دلو مردوں کی طرح یہ بھی آزاد طبع ہوتی ہیں۔ یہ کسی قسم کی پابندی قبول کرنا پسند نہیں کرتیں۔ یہ تخلیقی ذہن کی مالک ہوتی ہیں۔ مصوری، شاعری، افسانہ نگاری اور دیگر فنون لطیفہ کی جانب ان کا جھکاؤ ہوتا ہے۔ ان کے شوق میں اگر کوئی رکاوٹ بنے تو یہ بغاوت پر اترتی ہے۔

ویسے تو دنیا کی ہر عورت ہی خود کو زیادہ سے زیادہ حسین دیکھنا چاہتی ہے لیکن دلو خواتین اس سلسلے میں بہت حساس ہوتی ہیں۔ یہ اپنے حسن کی طرف سے ہمیشہ فکر مند رہتی ہیں۔ اگرانہیںیہ احساس ہوجائے کہ ان کا حسن ذرا سا بھی ماند پڑ گیا ہے تو یہ گھنٹوں پریشان رہتی ہیں اور غور کرتی ہیں کہ آخر ایسا کیوں ہوا ہے۔ اس کے بعد یہ پوری طرح اس جانب متوجہ ہو جاتی ہیں۔ اس سلسلے میں یہ مندرجہ ذیل اقدامات کرتی ہیں۔ * غذا کی طرف توجہ دیتی ہیں۔ * میک اپ کا سہارا لیتی ہیں۔ * جدید فیشن کے کپڑے سلواتی ہیں۔ * منفرد ہئیر اسٹائل بناتی ہیں۔ یوں یہ ایڑی چوٹی کا زور لگا کر ایک بار پھر اپنے حسن کو بحال کرنے میں کامیاب ہو جاتی ہیں۔ ویسے تو ان خواتین میں حسد کا رجحان نہیں ہوتا لیکن بہر حال اپنے سے زیادہ کسی حسین عورت کو دیکھ کر یہ حسد میں مبتلا ہو جاتی ہیں اور ان کی کوشش ہوتی ہے کہ کسی نہ کسی طرح اس سے زیادہ حسین نظر آنے لگیں

امور خانہ داری کی جانب ان خواتین کا درمیانہ رجحان ہوتا ہے۔ اگر ان کی کوئی ایسی مصروفیت نہ ہو جس میں ان کا وقت لگ رہا ہو تو یہ گھر کے کاموں میں پوری دلچسپی لیتی ہیں لیکن جب یہ کسی تخلیقی شعبے مثلاً شاعری، مصوری اور افسانہ نگاری وغیرہ کی جانب متوجہ ہوتی ہیں تو اس جانب ان کی توجہ اس قدر ہو جاتی ہے کہ یہ دیگر ذمہ داریوں کو بھول جاتی ہیں۔ ان کے لئے ضروری ہے کہ یہ اپنے من پسند شعبوں میں ضرور دلچسپی لیں لیکن اپنی دیگر ذمہ داریوں کی طرف بھی توجہ رکھیں۔

یہ خواتین بنیادی طور پر وفادار ہوتی ہیں حالانکہ ان کے ہنس مکھ مزاج کی وجہ سے اکثر یوں محسوس ہوتی ہیں جیسے یہ وفا اور بے وفائی کے موضوع کو نہیں سمجھتی ہیں لیکن ایسا نہیں ہوتا، یہ وفاداری کو پوری طرح سمجھتی ہیں، ان کے شوہر کو دیکھ کر کسی غلط فہمی کا شکار نہیں ہونا چاہئے کہ ان کی بیوی کسی مرد سے ہنس ہنس کر باتیں کر رہی ہے۔ ایسا کرنا اس کی طبیعت کا تقاضا ہے لیکن اس کا یہ مطلب ہرگز نہیں لینا چاہئے کہ وہ بے وفائی کی مرتکب ہو رہی ہے۔ یہ عورت شوہر کی وفادار ہوتی ہے اور اس سے وفا چاہتی ہے۔

بظاہر کوئی ایسی بات نظر نہیں آتی جس سے یہ ثابت ہو سکے کہ دلو خواتین خود کو منوانا چاہتی ہیں لیکن یہ حقیقت ہے کہ ان میں یہ خواہش شدت کے ساتھ موجود ہوتی ہے کہ لوگ انہیں تسلیم کر لیں۔ اس سلسلے میں یہ بہت کوششیں بھی کرتی ہیں لیکن ان کوششوں کو ظاہر نہیں کرتیں۔ یہ جس شعبے میں بھی ہوں اس میں بہت محنت کرتی ہیں اور محنت کا ثمر انہیں اس صورت میں ملتا ہے کہ کامیابی ان کے قدم چومتی ہے اور یہ دوسروں سے نمایاں ہو جاتی ہیں، یہی ان کی خواہش ہوتی ہے کہ یہ دوسروں سے نمایاں رہیں۔ ان میں مندرجہ خصوصیات بھی ہوتی ہیں: * یہ ہر کسی سے ہنس کر بات کرتی ہیں اور ماحول کو خوشگوار کھنا چاہتی ہیں۔ * سوشل ورکنگ کی طرف ان کا رجحان ہوتا ہے۔ * غریبوں کی ہمدرد ہوتی ہیں۔ * دکھ درد میں دوسروں کے کام آتی ہیں۔ * انا پرست ہوتی ہیں۔ * پر آسائش زندگی گزارنا چاہتی ہیں۔ * جذبات سے زیادہ عقل سے کام لیتی ہیں۔ * بہت اچھی منصوبہ ساز ہوتی ہیں۔ * کبھی کبھار فضول خرچی بھی کرتی ہیں۔ * غیر معقول مزاج ہوتی ہیں۔ * دوسروں کے کاموں میں اکثر اس قدر مشغول و مصروف ہو جاتی ہیں کہ اپنے آپ پر توجہ نہیں دے پاتیں۔ * با عمل ہوتی ہیں۔ * لڑائی جھگڑے پسند نہیں کرتیں۔ * اچھی منتظم ہوتی ہیں۔ * جدت پسند ہوتی ہیں۔ * سائنس کی طرف ان کا رجحان ہوتا ہے۔ * بہتر مستقبل کے لئے فکر مند رہتی ہیں۔ * خوب سے خوب ترکی تلاش میں ہوتی ہیں۔ * صاف گو ہوتی ہیں۔ * جھوٹے لوگوں سے نفرت کرتی ہیں۔ * کبھی کبھی صحت کی طرف سے لاپروائی کرتی ہیں۔ * دوسروں کی مدد کرنا اپنا فرض سمجھتی ہیں۔ * کبھی کبھی عجلت پسندی کا مظاہرہ کرتی ہیں۔