خواص و ماہیت

(1) پکھراج کی کافی شکل قائم الزاویہ متوازی اضلاع اور مستطیل ہوتی ہے۔ (2) اس کی سختی 8 سے 9 تک ہے۔ اس لئے یہ بلور کو کاٹ سکتا ہے اور الماس و نیلم سے کاٹا جاتا ہے۔ (3) چمک اس کی بلورین ہے۔ (4) اس کا رنگ زرد، سفید، نارنجی ۔ دارچینی، نیلگوں، گلابی، پیازی، زردی مائل سفید، سبزی مائل سفید، پہاڑی سبز، آسمانی نیلا، کرمزی، گوشت سا سرخ وغیرہ ہوتا ہے۔ زرد رنگ پکھراج نہایت عمدہ خوشنما ہوتا ہے۔ یہ رنگ جس قدر گہرا ہو اسی قدر قیمت زیادہ ہوتی ہے۔ گلابی رنگ کے لحاظ سے اس کے یہ نام ہیں۔ (1) گلابی رنگ پکھراج یہ زرد رنگ پکھراج سے اس طرح بناتے ہیں کہ گہرے زرد رنگ پکھراج کو حقہ کی چلم یا کسی چھوٹی کھٹائی میں رکھ کر اوپر راکھ یا ریت ڈالتے ہیں۔ بعدہ تھوڑی آنچ دینے سے اس کا رنگ زرد سے گلابی ہو جاتا ہے۔ اگر رنگ عمدہ نکلے تو قیمت بڑھ جاتی ہے۔ اس کو برازیل کا پکھراج بھی کہتے ہیں۔ (2) سرخ رنگ پکھراج اس رنگ کا پکھراج کامیاب ہوتا ہے۔ کرمزی رنگ اکثر دیکھے جاتے ہیں۔ (3) نیلگوں پکھراج یہ عمدہ خوش رنگ ہوتا ہے اور چنداں نایاب بھی نہیں ہوتا۔ ہلکے رنگ کے پاری بھدر اس کی بجائے خریدے جاتے ہیں۔ (4) سفید انکوائنس نوداس بھی کہتے ہیں۔ یہ بازو بند، مالا وغیرہ زیورات میں مزین ہوتا ہے۔ (5) وزن مخصوص 2ء3۔ (6) شفاف و براق۔ ( 7) طاقت انعکاس۔ (8) ملنے اور گرمی پہنچانے سے طاقت برقی پیدا ہوتی ہے۔ پہلے پہل پکھراج برازیل کی طاقت برقی 1760ء میں کنٹن (Canton) نامی ایک شخص نے دریافت کی۔ ایب ہائی (Abbe Huuy) نے سائبیریا کے پکھراج میں بھی یہ خواص دیکھا کہ یہ طاقت پکھراج میں 20 یا 24 گھنٹہ تک رہ سکتی ہے۔ سر ڈیویڈ بریوسٹر (Sir David Brewster) نے ایک ایسے پکھراج کو کاٹنے میں جس میں کئی ایک نشیب تھے اور نشیبوں میں بڑی پھیلنے والی رقیق شے تھی۔ ایک عجیب کیفیت دیکھی۔ اس کی غرض یہ تھی کہ ایک نشیب پر شگاف لگا کر اور اسے کھول کر اس کے رقیق مادہ کو دیکھے۔ نشیب کے کھلنے سے دو نہایت سرعت سے پھیلنے والے رقیق مادے جلائے ہوئے حصہ پر بہنے لگے اور بتدریج پھیلنا اور سکڑنا شروع کیا۔ کبھی تو وہ سکڑ کر قطرہ بن جاتے اور کبھی پھیل کر چوڑے ہو جاتے۔ یہ حرکت جاری رہی حتیٰ کہ وہ بخارات بن کر اُڑ گئے۔ اس میں کچھ شک نہیں کہ یہ حرکت اس طاقت برقی کے باعث تھی جو کاٹنے سے پیدا ہوئی۔ (9) اس میں 38ء 58 حصہ الیومینا۔ 01ء 34 حصہ سلیکا 61ء 7 فلورائین مرکب ہیں۔ (10) اگر اسے کوئلہ پر رکھ کر پھونکنی کے ذریعہ آنچ دی جائے تو بھی نہیں پگھلتا۔ ہاں سوہاگہ کے ساتھ اسے گرمی پہنچائی جائے تو بے رنگ شیشہ کی طرح ہو جاتا ہے۔ اگر اسے تیز گرمی دی جائے تو اس پر بلبلے نمودار ہوتے ہیں۔ جو فوراً ٹوٹ جاتے ہیں۔ زرد رنگ پکھراج گرمی سے بے رنگ ہو جاتے ہیں۔ تاریک زرد گلابی یا گومیدک جیسے سرخ ہو جاتے ہیں۔ تیز آب کو بالٹ سے یہ نیلے رنگ کا ہو جاتا ہے۔

(1) یاقوت ایک عمدہ خوش شکل جواہر ہے۔ حالت آغاز میں اس کی معدنی شکل متوازی الاضلاع ہوتی ہے اور اس کا ہر ایک گوشہ عموماً نوکیلا ہوتا ہے۔ اسے بعدہ کاٹ کر حسب ضرورت اور شکل کا بنا دیتے ہیں۔ (2) الماس سے زیادہ یہ جواہر کسی اور جواہر سے سختی میں کم نہیں۔ اس واسطے یہ صرف الماس سے کاٹا جا سکتا ہے۔ اور نیلم، زمرد، پکھراج، بھیکہم کو یہ کاٹ سکتا ہے۔ اس کی سختی نو درجہ کی ہوتی ہے۔ (3) چمک اس جواہر کی بلورین ہے۔ معتقدمین کو اس کی چمک کا یہاں تک خیال تھا اور بیان کرتے ہیں کہ یہ جواہر اندھیری رات میں چراغ کا کام دیتا ہے۔ (4) یہ جواہر عمدہ خوش رنگ ہوتاہے۔ اس کا رنگ قرمزی، کبوتر کے خون سا سرخ اور ارغوانی رنگ مائل ہوتا ہے۔ اہل عرب اس کے اور کئی رنگ بیان کرتے ہیں۔ مثلاً زرد، کبود، سبز اور سفید اور ہر ایک رنگ کی مختلف قسمیں بیان کرتے ہیں ان سب سے ارمانی یعنی انار کارنگ عمدہ سمجھا گیا ہے۔ سرخ رنگ یاقوت کی یہ قسمیں بتلاتے ہیں: 1: سرخ حمری (یعنی بڑا سرخ) 2: سرخ اودی (گلابی) 3: سرخ نارنجی 4: سرخ زعفرانی 5: سرخ نیموی (یعنی پختہ لیموں رنگ)۔ کبود رنگ کی یہ اقسام بیان کرتے ہیں۔ 1۔ کبود آسمان گون (یعنی آسمانی رنگ) 2۔ کبود کوہلے (یعنی سرمہ رنگ) 3۔ کبود لاجوردی (لاجورد رنگ) 4۔ کبود پستائی (پستہ رنگ) 5۔ یاقوت شفاف ہوتا ہے 6۔ اس کا وزن مخصوص 6ء 4 سے 8ء 4 درجہ تک ہوتا ہے اور بعض 99ء 3 سے 2ء4 درجہ تک بیان کرتے ہیں۔ 7۔ اس میں طاقت انعکاس دو چند ہے لیکن تھوڑے درجہ کی 8۔ ملنے سے اس میں طاقت برقی پیدا ہوتی ہے اور چند گھنٹوں تک رہتی ہے 9۔ اس میں 5ء98 حصہ الیومینا 5 حصہ آکسڈ آف آئرن اور 5 حصہ چونا مرکب ہیں 10۔ بعض کہتے ہیں کہ سرخ رنگ یاقوت کو گرمی کے بغیر اور کوئی قسم یا قوت تاب گرمی نہیں سہار سکتا۔ بعض کی رائے ہے کہ سرخ رنگ یاقوت کو گرمی دی جائے تو اس کی چمک بڑھتی ہے۔ اور سرخی مائل سفید رنگ یاقوت کو گرمی پہنچانے سے سرخ ہو جاتا ہے۔ در حقیقت دھواں، پسینہ، روغن اور بدبو یاقوت کے رنگ پر اثر کرتے ہیں۔ یعنی اس کے رنگ کو ہلکا یا خراب کر دیتے ہیں۔ لیکن گرمی پہنچانے سے یاقوت کا رنگ تیز ہوجاتا ہے تجربہ سے ثابت نہیں ہوتا۔ بقول حکماء یونان یاقوت میں بیوست درجہ دوئم کی ہے اور زرد اقسام میں برودت اور بیوست درجہ دوئم ہے۔

حوت حساس، تخیل میں ڈوبا ہوا اور دوسروں کے لیے شفقت لاتا ہے۔

دلو مستقبل کو دیکھتا ہے، نئے آئیڈیاز اور انسانیت کی خدمت کے لیے سرگرم رہتا ہے۔

جدی ذمہ داری قبول کرتا ہے، عرصہ دراز کی منصوبہ بندی اور احتساب میں یقین رکھتا ہے۔

قوس سچائی کا متلاشی، سفر اور نئی دفتروں کے دروازے کھولتا ہے۔